... إحــســا س كــاذبــــــ ....

احساس كاذب

احساس كاذب من طرف شخص كذاب

استنزف اشواقي وبيّح شجوني

ابطا وخلّاني حزينٍ ومرتاب

مابين عذالي ودمعة عيوني

له باب لكن دونه القفل والداب

واقلبت واثق فيه.. محسن ظنوني

دقيت بابه واحسبه يفتح الباب

ماكنت اظنه يقفل الباب دوني

ثم قمت اخبطّ في النوافذ والابواب

وآقــول للجيران لاتتركوني

دوني قفل بابه بلا اية اسباب

واخذ معه مفتاح ضحكة سنوني

كنت احسبه من كذبة الامس قد تاب

كنت احسب جفونه تراعي جفوني

كنت احسبه من قصة العام قد طاب

واثره يجدد كل عام ٍ طعوني

برحل كذا من دون رحلة واركاب

وحدي وفي حالي ولا تسألوني

صعبه بعد ماقد حصل نرجع احباب

لكن وداعا وان حصل فاذكروني