يحرم علي الحرم ما آقول عاصيك

أنتي حياتي يابعد حي مغليك
شوفك هناء نفسي ومجلا نكدها
مافيه أحد بالكون والله يساويك
ياكود أبوي اللي حياته فقدها
أسوق عمري لجل خاطر معاليك
ولا غيرك أقبّل من الغِيد يدها
خدامك المطواع فدوة مواطيك
أقبّل أرجولك عسى ما افتقدها
يحرم عليّ الحرم ماقول عاصيك
إلا إذا قلت إعصنيّ ما اعتمدها
يحرم عليّ الحرم مايوم أخليك
وحواجبك مرضى عليّ تعقدها
مهما فعلت الطيب والله موفيك
من يوفي أمه ياعرب في جهدها
لا شك اببذل كل حيلي وأجازيك
بكل ماتملك يدي من رغدها