من أجمل ما سمعت.

هاج وتكبّر قالوا الموج ذبّاح
قلت البحر وأن هاج اطوفه على لوح .

دام الشعر عشقك فأنا جيت سبّاح
ميّزت لك نبره بها الصوت مبحوح .
...
كل ماحضر طيفك وغيم الشقا لاح
يمطر على صدر الورق دمعة البوح .

حرف ٍ يجر الحرف لين أنتثر ساح
دم المشاعر سال يازين مسفوح .

يمكن تشوف الدم ياعطر فوّاح
تذكر عشير ٍ تاه بالدرب مجروح .

يصرخ حنينه ناح يرجيك ياصاح
في غيْهب الأحزان للضيق مطروح .

من غبت عنّه ماقوى يوم يرتاح
صارت حياته كلها نوح في نوح .

شال العنا بين الطواريق سوّاح
شعر ٍ تخفّا عن هله صار مفضوح .

يبلاك ربي ليه؟ كيف؟ الغلا راح
وأنت الذي ناديت للشوق مشفوح .

ليت التمني صار في نزع الأرواح
وأختار أنا كيف الجسد يترك الروح .

صدّق رجيت الموت بيدين سفّاح
ولا أكون اليوم بيديك مذبوح





تحياتي............