الجزء الثالث من سلسلة شي خطير شفته بعيني>>>الاناقة والجاذبية مع امهات الابيض....ههههه

ها المرة غيررررررررررررر

غيررررررررررررررررررر

ها المرة امهات الابيض يااااااالبا قلوبهم بس
قبل لا ابدا بالهجوم خلوني اسولفلكم عن قصة عشت لحظاتها بنفسي
اختكم كلي وله في يوم من الايام وسنة من السنون ماقبل حافز
كنت متنومة على بنتي وطولت بالمستشفى باقي شوي ويعطوني صك على الغرفة الناس راحت وجات وانا جالسة ماغير اقهوي الي جاية واودع الي رايحة
طبعا الي كانت ماسكة حالة بنتي استشارية ماهي دكتورة
لفتني فيها شي من اول ماشفتها عارفين وش هو تفصيلها للبالطو حقها كان غريب عجيب تبون تعرفون ليه كان غريب

لان صرنا ماعاد نشوف مثله

الاستشارية كانت مفصلة الكم على شكل بف يعني تصدقوني لو قلت لكم ماعرفت حجم يدها ولا ذراعها
والبالطو كان وااااسع وطووويل الين اخر شبر برجلها يعني ماعرف حجم جسمها ابدا والله ماكذبت
ماشاء الله تبارك الله
وكانت لابسة نقاب ابو طبقتين رافعة طبقة على عينها طبعا عشان تشوف ورافعتها فوق راسها فماهو باين تفاصيل راسها

اكتر من اسبوعين اشوفها كل يوم وماعرفت هي اش معالم جسمها
اشوفها احيانا ببمرات قسم النسا وهي تمشي من جنب اشكال ممرضات اللهم ياكافي وهي استشارية وماشية بشكل يرفع الراس
طبعا اختكم كلي وله رمت الميانة وصارت من اهل المستشفى فطقيت حنك معاها ودي اعرف جنسيتها توقعتها انه من جنسية عربية لانها كانت بيضاااااااااا ماشاء الله طبعا قزيت اللون من كفوفها
ولكن طلعت سعووووودية ومن الجنوب
كفو يابنات الحرمين>>>>تحمست
هذولا الي لامشو وسافرو بره المملكة قلنا والنعم فيها سعودية
============================== ======
طبعا خلصت القصة ورجعنا لحبيباتنا >>>امهات الابيض>>>>>نيا ها ها ها
ماتلاحظون ان الازواج والاخوان زاج اهتمامهم فينا يعني الوحدة لو تكح قال يله المستشفى هههههه
يابن الحلال مافيني شي >>>>لالالالاالا المستشفى مشينا

مو منكم من
هي انتم يالي اسمكم ممرضات انا ماني عارفة انتي جاية تعالجينا ولا ترفعين ضغطنا
قسم بالله اني احيانا امسك نفسي غصب
الوحدة مجلة ازياء متحركة البالطو تفصله تفصيل عجيب ضييييييييييق وقصييييييير يعني زين لاوصل نص الفخذ
صار جكت بوي فرند ماهو بالطو
والاسكني الضييييق والجزمة الكشخة الله يعزكم الي ودك تاخذين صورة معاها
والمناكير ياسلام سلم الوان تصرع تشوفينها من اول ماتدخلين تذكرني باللبس حق البلدية لمن يبرق بالظلام خخخخخخخخخخخ
واللثمة نص وجهها باين والحواجب واااااااو
انا تعافيت وشلون اللي معي هههههههههههههههههههه
حسبي الله على ابليسكم
الحين عرفت ليه الزحمة بها المستشفيات قسم الرجال صار اكثر من قسم الاطفال
والله مسخرة وباكبر المستشفيات عندنا وحكومية بعد
اقسم بالله شي مخزي فشلتونا والله تلقاهم مسويات قروب رايحات جايات مرة للبوفية ومرة بالاسياب وضحك وتمايل هذا كله باسم الممرضات الدكاترة صدق ماسسو كذا
ياختي اتقي الله في لباسك ماقلنا شي انتي مامورة بلبس البالطو بس فصليه زين وسعيه وخاصة من المواقع الهرمية وجبال اجا وسلمى
ليه هذي المناطق بالذات القماش يخلص عندها
وعارفين والله ان عندك اسكني خلاص عرفنا انك مودرن وعندك فلات واو وانك تعرفين تحطين مناكير خلاص وجع
احترمي نفسك وامشي عدل انتي بعمل ماهو بعرض اخر منتجاتك
باقي شوي واقولها اختي لو سمحتي بكم سعر الجملة والمفرق >>>>اختكم تاجرة متاثرة
فشلتونا صار الشباب يعزم اخوياه >>>>ها اليوم باي مستشفى ..خلاص الكوفي على حسابي
فيه مستشفيات كبيرة ولها سمعتها وللاسف ملياااانة مليااانة وزادو عن حدهم
معليش لازم تكون هناك مكتب اشراف نسائي بالمستشفى توقف هاى الشكال عند حدها والله لو قالولها لوجيتي بكرة بها المنظر راح نخصم منك يوم حتعرف كيف تمشي زي الالف نزلت مرة بالاصنصير وكانو معايا ثلاث ممرضات باقي شوي وابكي وانفجر من الي شفته ياربي وش ذا عساكم كل شي
وحدة فيهم مليانة والله يااخوات الاوضاع عندها واضحة و التضاريس على الاخير مكشوفة وش هذا
وضحك ودلع مع الي معاها
وغيرهم وغيرهم
وللاسف اغلب الشباب صاروا يرفضوا يرتبطوا بالممرضة والسبب ان ها الاشكال شوهت سمعة الباقيات للاسف
وماااااااااااااااااااااااااااا انسى كثيرات ماشاء الله
ودك تسلمين على راسسها احترام
تلقيها مفصلة البالطو حتى لو كان قصير تلقين تحته تنورة طويلة بلون ساتر وغطية وجهها زين وماشية باحترامها هذولا الي حرام نظلمهم بالعكس اسال الله ان يكثر منهم

اف ياربي وين نهرب من امهات الاسكني والمناكير ترى والله عندي اسكني بالدولاب اوريكم
رحنا المول شفناكم
رحنا الحدايق نلقاكم قبلنا
رحنا المستشفى حصلناكم
الوحدة وين تهرب بزوجها هههههههههههههههههههههههههههههه


ماعاد نبغى نتمشى واصلا من قال اننا نبغا السوق

راح يجي زمن الرجال يطلق حرمته عشان ماتبغى تتمشى وماتبغى تروح السوق

اقول ياحريم انا خلصت
النفسيات الي يرفعون الضغط تراني ماني بناقصة يرتفع ضغطي عارفين ليش عشان مابي اروح المستشفى عارفين ليش عشان ماشوفهم

وانا ماعممت لاتجي وحدة تقولي ليش ولماذا وواي
انا اقول فيه وفيه لكن الفيه الاولى اكثر

يله انطلقو بالردود وابي اي وحدة منكن شاهدت ماشاهدته وتمقلت في الحلوات الي بالمستشفى تطرح روايتها هوووون >>>>>احلى ياهون ترى ماهي بلايقة خخخخخ