ياباغي الجنـه صلاتـك صلاتـك
لاتنشغـل عنهـا بدنيـاك تنجيـك
تنجيك بأمر الـرب مـن ملهياتـك
ابليس والنفـس الخبيثـه وتحميـك
بعد الشهاده هـي سعـادة حياتـك
وإن مت للجنـه عساهـا توديـك
اخلـص بهـا لله وادفـع زكاتـك
وادفع بها صومك وحجـك لواليـك
اركان خمسـه سيـدات واجباتـك
للمنعـم الوهـاب ربـك ومنشيـك
هذا ومعهن ستـه ان كـان فاتـك
في قلبـك اعقـده عقيـده تقديـك
آمن برب البيت البيت تآمن عداتك
وآمن بيوم البعـث ربـك بيحييـك
وآمن بكل الكتب والرسـل جاتـك
بالمصحف اللي تفتحه بين اياديـك
وآمن تـرى للـرب جنـد فواتـك
ملائكـة ربـي عبيـدن مماليـك
واقدار ربي حـق خلقـت سواتـك
آمن بها من دون ريـب وتشكيـك
اركان سته حطهـا جـوف ذاتـك
عقيـدة التوحيـد للحـق تهـديـك
امن بها من قبـل ساعـة وفاتـك
من قبل إنسلال الروح من بين فكيك
واختامها الإحسان كنـز إحسناتـك
أد العبـاده كنـك تشـوف باريـك